“A do të kandidojë LVV në zgjedhjet elektorale në Shqipëri?” përgjigjet Albin Kurti, tregon edhe nëse do ta takojë Ramën

Kryeministri i Kosovës Albin Kurti ishte i pranishëm mbrëmjen e sotme në Tiranë, i ftuar nga Lëvizja Vetëvendosja qendra Shqipëri, për të festuar fitoren e zgjdhjeve të 6 tetorit.

Duke ju përgjigjur interesit të gazetarëve, Kurti foli edhe për çështjen e refuzimit për hapjen e negociatave të Shqipërisë dhe Maqedonisë së Veriut nga disa shtete të BE-së.

“Kosova dhe Shqipëria duhet të bashkëpunojnë më shumë. Unë mendoj se është bërë padrejtësi që Shqipëria dhe Maqedonia e Veriut nuk fituan negociatat, pasi ju takon dhe e kanë merituar. Duhet të kemi kujdes sa i takon raporteve me Serbinë. Dihet se çfarë ka bërë Serbia kundrejt shqiptarëve.”- tha Kurti.

I pyetur nëse Lëvizja Vetëvendoja do të marrë pjesë në zgjedhjet elektorale që do të zhvillohen në Shqipëri, Kurti deklaroi se nuk dikton qendrimet e Lëvizjes në Shqipëri.

“Jam me ftesë nga qendër e Lëvizjes Vetëvendosja në Shqipëri. Keto kanë autonimë e qendrimeve dhe veprimeve, nuk e diktojmë ne në Kosovë.”- deklaroi ai.

Për sa i përket takimit me kryeministrin Rama, kryeministri i ri i Kosovës tha se do të ndodhë shumë shpejt.

“Unë do kthehem në Kosovë sonte, por sigursht që Ramën do takoj së shpejti, është çështje ditësh dhe jo javësh.”- u shpreh Kurti.

(M.Q/Faxweb.al)