A do të ketë një debat televiziv Rama-Basha? Kreu i opozitës e ka ftuar sërish kryeministrin Rama për të zhvilluar një debat politik para zgjedhjeve parlamentare të 25 qershorit.
Kësaj rradhe ftesa është bërë në Facebook. Basha i shkruan Ramës se është kulturë demokratike të debatosh para njerëzve dhe ata të gjykojnë.
Në këtë status kreu i PD-së i ka bërë edhe “Tag” Ramës (ka bashkangjitur profilin e Ramës në postim).
Postimi i Bashës mbyllet me dy hashtage (shënime): ‘Prano Debatin!’ dhe ‘Mos ki frikë!’. Deri më tani kryeministri nuk ka dhënë një përgjigje për këtë.
Duhet thënë se nuk është pjesë e kulturës politike në vendin tonë që liderët politikë të ulen dhe të bëjnë debate konstruktive në prag të zgjedhjeve. (E.K/SHUPLAKA)
