Jo pak bujë bëri lajmi se Eni Çobani do të largohej nga Ardit Gjebrea për të nisur rrugën drejt politikës. E në fakt lëmshin e ka krijuar vetë ajo në një intervistë dhënë për “Thumb”. Ajo tha se mendonte se kishte ardhur koha që ajo t’i futej politikës.
Mirëpo sot në një intervistë për “GSH” ajo shprehet se deklarata e saj është keqinterpretuar.
“Sa e befasuar jeni ju, aq jam edhe unë nga këto deklarata. Më vjen habi që deklarata të tilla vihen në gojën e një njeriu si unë që e njoh mirë siç është media apo rëndësia e një fjale kur hidhet në publik. Normalisht janë të pavërteta totalisht.
Unë kam thënë vetëm opinionin tim se çfarë po ndodh në Shqipëri, të drejtën që ka çdo qytetar që ka në vendin e tij. Shpreh keqardhjen time të thellë për sa u përket fjalëve të cilat dikush mund ti mendojë dhe i vë në gojën e Eni Çobanit.
Prandaj, misioni im vazhdon dhe javë pas jave do jem atje me zonin Gjebrea. Ta vazhdojmë këtë mision të madh jo vetëm tonin, por edhe misionin e shqiptarëve që duan drejtësi”, është shprehur Eni Çobani, duke hedhur kështu poshtë të gjithë zerat se do të braktisë emisionin.
(E.K/SHUPLAKA)
Discussion about this post