Grida Duma ka qenë e ftuar pasditen e sotme në rubrikën “Opinion” ku ka folur rreth protestës së opozitës në 13 maj.
Ajo tha se 13 maji do jetë një protestë mbarë popullore.
Pyetjes se cili është qëndrimi i Partisë Demokratike në raport me ndërkombëtarët ajo e shpreh se “Partia Demokratike ka kërkuar zgjedhje sipas standarteve dhe se ndërkombëtarët kanë si prioritet stabilitetin”.
“Të huajt duhet t’i bindim që kjo është një lëvizje popullore, Partia Demokratike po kërkon të hyjë në zgjedhje por që të hysh në zgjedhje sipas saj duhet të hysh me rregulla loje sepse pa rregulla nuk ka lojë. Pyetjes se cila do ishte thirrja që do t’i bënte protestuesve ajo tha se “Partia Demokratike ka dhënë prova që proteston paqësisht dhe se kanë arritur të shmangin agresivitetin e turmës.
“E vetmja thirrje që do të bëja është se protestat i duhen këtij vendi”,- u shpreh Duma.
“Nuk ka një njoftim zyrtar nëse nesër protesta do të sjellë mbylljen e çadrës” u shpreh ndër të tjera Duma.
(S.SH/Shuplaka)
