Minisitri i Mjedisit dhe Turizimit Blendi Klosi nga Durrësi ka shpallur operacionin ” Tē pastrojmë Shqipërinë që duam”. Gjatë fjalës së tij ai ka theksuar se do të ketë penalizim për çdo biznes që fiton duke gërryer mjedisin, hotelet, marketet, baret. Më tej shprehet se ajo që ndodhi me ndalimin e vjedhjes së energjise elektrike, do të ndodhë me operacionin e ndalimit të ndotjes.
“Penalizim për çdo biznes që fiton duke gërryer mjedisin, hotelet, marketet, baret, individët që e kanë deri më sot mjedisin si mallin pa zot, pronën e përbashkët dhe përgjegjësinë e askujt. Ajo që ndodhi me ndalimin e vjedhjes së energjise elektrike, do të ndodhë me operacionin e ndalimit të ndotjes. Operacioni në disa faza. Në fazën e parë përveç penaliteteve, aksione pastrimi në akset kryesore rrugore, qëndrat urbane, qëndrat historike ku do të përfshihen disa ministri; e Brendshme, e Mbrojtjes, admnistrata, shkollat, universitetet. Por aleatët tanë më të mëdhenj do të jenë qytetarët” , deklaroi Klosi në takimin me kryetarët e 61 bashkive në vend.
Çfarë do të ndodhë me importin e plehrave? Pas kthimit të ligjit në parlament a do të ketë referndum për këtë çështje kaq me rëndësi? Sjellim në vëmendje që Klosi drejton ministrinë e Mjedisit e cila luan një rol kyç në këtë çështje. (J.V/Shuplaka)
