Një nga pikat më evazive dhe tgë dyshimta të marrëveshjes Rama-Basha është ajo se çdo të ndodhë me Partivë e Vogla. Koalicione nuk do të ketë, dhe afatet nuk mund ta lejojnë.
Në një pikë të marrëveshjes përcaktohet se deri në javën e ardhshme, partitë opozitare duhet të dorëzojnë listat pranë KQZ-së.
Nga ajo që duket në këtë ditë pas marrëveshjeje, është zhgënjimi që kanë Partitë e Vogla të të dyja kampeve. Kodi Zgjedhor nuk është shumë i favorshëm për to në rast se dalin veçmas në zgjedhje.
Po ashtu një mundësi është përfshirja e disa prej krerëve të tyre në vetë listat e Partisë Demokratike. Deri më tani janë konfirmuar pothuajse tre emra që janë: Kreu i PR-së, Fatmir Mediu, kreu i PAA-së Agron Duka dhe kreu i PBDNJ-së, Vangjel Dule.
Kujtojmë se Mediu dhe Duka ishin dhe iniciuesit e tryezës së dy ditëve më parë në Kryesinë e Kuvendit, ku u arrut edhe marrëveshja paraprake.
Nga ana tjetër mbetet për tu parë edhe mbledhja që do të ketë sot Basha me aleatët, si dhe dorëzimi i listave përfundimtare. Edhe në krahun e të majtve Gjinushi ka qenë i pari që nuk e ka fshehur zhgënjimin, por edhe LSI-ja ka mbetur e suprizuar nga marrëveshja e përgjysmuar ‘’McAllister’’. (E.K/SHUPLAKA)
Discussion about this post