Gjykata për Krime të Rënda pranoi kërkesën e ish-ministrit Saimir Tahirit, duke i vendosur kohë prokurorisë deri më 10 mars për të vendosur përfundimisht nëse do kalojë në gjykim, apo do mbyllen hetimet.
Në një deklaratë për mediat Tahiri u shpreh se gjykata pranoi kërkesën e tij për ankimin dhe shtoi se këtij procesi po i vjen fundi.
Duke ju përgjigjur interesit të gazetarëve nëse do të rikthehet në politikë, Tahiri u shpreh se do të ketë kohë për të gjitha.
“Tani dhe për mua dhe për Prokurorinë po fillon numërimi mbrapasht. Gjykata pranoi kërkesën time, dhe mendoj se kemi kohë të mjaftueshmë që të mbyllen hetimet dhe për mua kam pasur durim dhe kam ende durim për të mos u shqetësuar asnjë çast. Të vërtetën time deri në gërmën e fundit me vjen mirë që jam në këtë moment.
Është e drejta e prokurorisë të bëjë si të dojë. Di që Gjykata më dha të drejtë deri në 10 mars. Nuk e shoh si lojë golash e shoh si mundësinë time për të marrë atë që më takon. Kam pritur pa folur që drejtësia të flasë. Ja vlen presësh për atë ditë që vjen drejtësia. Ka rëndësi që kësaj maratone ti shkoj deri në fund.Ka kohë për të gjitha.”– u shpreh Tahiri.
(M.Q/Faxweb.al)
Discussion about this post