Zëvendësndihmës-sekretari Amerikan i Shtetit, Hoyt Brian Yee do të jetë nesër Tiranë, ku ai pritet të takohet me krerët e lartë të shtetit, përfshi këtu edhe liderin e opozitës, Lulzim Basha.
Per të bërë një përpjekje të fundit dhe për të gjetur një zgjidhje mes mazhorancës dhe opozitës .
Takimi me Lulzim Bashën nuk do të jetë i vetmi pasi në axhendën e zyrtarit të lartë amerikan është dhe një takim me deputeten e Partisë Demokratike, Majlinda Bregu.
Ish-ministrja e Integrimit e ka shprehur hapur si në mbledhjen e grupit parlamentar demokrat, ashtu edhe në media qëndrimin e saj kundër mënyrës se si Basha po e mban opozitën jashtë zgjedhjeve.
Bregu, e kontaktuar nga “Panorama”, ka konfirmuar takimin që do të zhvillojë nesër me Hoyt Brian Yee.
Ndërkohë para kësaj vizite në Tiranë, zyrtari amerikan dha një mesazh shumë të qartë për vendet e rajonit nga Podgorica ku ndodhej dje.
“Parlamentet duhet të përfaqësojnë dhe mbrojnë interesat e qytetarëve. Deputetët që bojkotojnë Parlamentin shmangin përgjegjësinë e tyre dhe injorojnë këshillën e ish-Presidentit të SHBA-ve, Theodore Roosevelt, se besimi i takon njeriut që është në të vërtetë në fushë betejë, jo njeriut që tregon se si të pengojë më të fortin”, tha Yee, sipas një artikulli të botuar në portalinEuropean Western Balkans. (S.SH/SHUPLAKA)
Discussion about this post