Vetëm tre ditë na ndajnë nga finalja e madhe e Champions League ku do të luhet ndeshja mes Realit të Madridit dhe Liverpool.
Nuk ka dyshim që të dy ekipet janë duke studiuar njëra tjetërn për pikat e dobëtë dhe pikat e forta. Kështu trajneri I Liverpool Jurgen Klopp në një intervistë për “Mirror”, duket se ka zbuluar pikën e dobët të Realit të Madridit dhe ai është Marcelo që sipas Klopp edhe pse është një lojtar I shkëlqyer nuk mbron.
“Të gjithë e shohin qartë: Marcelo është një lojtar i shkëlqyer sulmues, por nuk mbron. Gjithsesi, Reali ka fituar dy kupat e fundit dhe janë sërish në finale. Nuk mund të flasim për pika të dobëta në një skuadër të tillë. Futbolli nuk është aq i thjeshtë sa të themi se Marcelo do të dalë përpara dhe Salah do të ketë hapësirë më shumë”.
Klopp theksoi se Reali ka një veti shumë të mirë: ruan qetësinë edhe në situatat më të vështira.
“Sado mundësi shënimi të kesh kundër tyre, nuk stepen. Janë të akullt. E dinë që do të kenë edhe ata mundësitë e tyre dhe do të shënojnë”, tha ai.
Në fund, Klopp deklaroi se skuadra e tij nuk është favorite për vetë faktin se deri tani nuk ka fituar asnjë trofe.
Liverpool për herë të fundit e ka fituar trofeun në 2005 kundër Milanit, ndërsa Real e ka fituar dy herë radhazi dhe tenton të tretën. (B.H/Faxweb)
