Deputeti më i ri i Parlamentit Shqiptar, Ralf i cili gjatë ditës e sotme bëri betimin në Kuvend, Ralf Gjoni, në një deklaratë për mediat komentoi vendimin e tij për të pranuar të marrë detyrën, duke argumentuar se këtë e ka parë si një vendim të drejtë.
Gjoni tha se nuk ka asnjë hakmarrje me Lëvizjen Socialiste për Integrim pasi sipas tij, ai ka kaluar pjesën më të bukur të jetës me këtë parti.
“Unë nuk kam asnjë hakmarrje me atë parti, kam vetëm dashamirësi. Në LSI kam kaluar një pejsë të bukur të jetës sime. Thjeshtë është një rrugë e gabuar të cilën ka zgjedhur kjo parti”.
Deputeti i opozitës së re duke lënë të kuptohet incidentin e sotëm kur sapo kishte dalë nga shtëpia për të shkuar në Kuvend, u spërkat me bojë nga një qytetar, tha se nuk do të bëjë një opozitë me bojë dhe çizme.
“LSI është peng i një marrëzie momentale. Nuk jam në opozitë me çizme e bojë. Jam deputet dhe gjthnjë kam punuar me parime perëndiomore. Tradhëtarë janë ata që braktisën Parlamentin”.
Lidhur me debatin më të fundit pas deklaratës së Presidentit Ilir Meta i cili deklaroi një ditë më parë se ishte i gatshëm të jepte edhe dorëheqjen për të mirën e vendit, Gjoni deklaroi se nëse kjo çështje vjen për votim në Kuvend, ai nuk do ta votonte.
(F.GJ/FAXWEB.AL)
Discussion about this post