Shqiptarët kërkojnë arrestime pas publikimit të audio-përgjimeve të reja nga gazeta Bild mbrëmjen e djeshme. Ky ka qenë mendimi i qytetarëve pasi janë pyetur në rrjetet sociale nga gazetari Blendi Fevziu.
A duhet të arrestojë prokuroria personat përgjegjës pas publikimit të shumë përgjimeve nga Bild? Nga sondazhi, ku derimë tani kanë votuar 17 mijë e 500 votues, 15 mijë kërkojnë arrestime ndërsa pjesa tjetër janë kundër.
Gazeta gjermane “Bild” publikoi 10 audio-përgjime të dosjes “184” të zgjedhjeve të pjesshme vendore në Dibër në vitin 2016.
Në këto audio-përgjime dalin emrat e ish-ministrit Damian Gjiknuri, ish-ministrit Saimir Tahiri, deputetit Ulsi Manja, deputetit Xhemal Qefalia, ish-shefit të komisariatit Dibër Robert Aga, Ymer Lalës, përgjegjësi i OSHEE në Dibër Bekim Krashi dhe disa personave të tjerë.
Discussion about this post