A e dini si duket Lefter Maliqi krah Ramës në Lapardha të Beratit, ç’i kërkon kryeministrit (FOTO).
Ai ishte një nga protagonistët e parë të lëvizjeve nga PD-ja pas pakënaqësive në listat e Bashës. Është fjala për Lefter Maliqin, ish-deputetin e Beratit. Ai është shfaqur krah Ramës në fshatin Lapardha të Beratit.
Mes flamujve të PS-së ai ka brohoritur se me në krye Ramën PS-ja do të marrë 5 mandate në Qarkun e Beratit.
“Do të kërkoj dy gjëra ujë, kanalizimet, mos e ki merak se fitoren e ke të sigurt”, u shpreh Maliqi.
Ndërkohë që Rama tha se lëvizja e Maliqit është e paprecedentë me vetëm një qëllim për të bërë Shqipërinë që duam.
Lefter Maliqi është një nga emrat e njohur të kësaj zone, pasi ka lëvizur nga LSI-ja drejt PD-së dhe tashmë mbështet PS-në. Ai ishte renditur i treti në listën e PD-së po mesa duket ky pozicion nuk i ka qëndruar komod dhe tani punon në mënyrë “vullnetare” për Ramën. (E.K/SHUPLAKA)
