Saimir Tahiri ish-ministër i Brendshëm është paraqitur sot në ambjentet e Prokurorisë së Krimeve të Rënda për të dhënë dëshminë e tij në lidhje me kërcënimin e Profesorit Mynyr Koni.
Ai është shprehur se nëse Shullazi ka kërcënuar apo jo Konin nuk është kompetencë e tij ta dijë.
‘’Unë ju përgjigja pozitivisht ftesës së Prokurorisë për të treguar edhe ty detyrën që kam bërë. Më vjen mirë që të dëshmoj edhe në këtë rast punën time ku dy profesorë u shprehen se ishin dhunuar.
Jam i bindur se kountributi im po dhe i çdo qytetati ndihmon që të gjithë të ndërgjegjësohen. Është kjo arsyeja pse na duhet Reforma në Drejtësi, politikanë që respektojnë ligjin’’, deklaroi Tahiri.
Gazetari: A ju tha Koni që është kërcënuar nga Shullazi?
Tahiri: Jam shumë i bindur se do keni rastin të merrni të dhëna dhe nga zoti Koni, ashtu si jam i bindur që ju të merrni të dhëna nga Prokuroria dhe nga burimet tuaja në polici. E rëndësishme përtej detajeve shqiptarët duan të dinë a do të kenë një drejtësi më të mirë apo jo, shqiptarët duan të dinë a do të ketë Reformë. Shqiptarët duan të dinë që a do kenë politikanë që respektojnë ligjin. Unë deklarova punën time.
(E.K/SHUPLAKA)
Discussion about this post