Kryeprokurorja e Përgjithshme Arta Marku ndërsa pasi ka raportuar për gjendjen e kriminalitetit në vend për vitin 2017 është përballur me pyetjet e deputetëve të opozitës.
Ishte deputeti dhe nënkryetari i PD Edi Paloka i cili pyeti kryeprokuroren nëse e kishte pyetur Ramën për audiopërgjimin e Agron Xhafajt dhe pse ajo nuk zbatonte ligjin antimafia për ministrin Fatmir Xhafaj.
Marku u përgjigj se ndërhyrjet e kryeprokurores në çështje konkrete ia ndalon ligji.
Paloka: Me ç’bazë shkarkuat dhe emëruat prokurorët ? A e keni pyetur Ramën për ekspertizën e videopërgjimit? Pse s’e zbatoni ligjin antimafia ndaj vëllait xhafajt ,pse nuk hetoni Fatmir Xhafajn që për 4 vite ka ndihmuar vëllain për ti shpëtuar drejtësisë?
Marku: Me reformën e re të drejtësisë sistemi ka pësuar shumë ndryshime, prokurori I çështjes është titullari. Prokurori i Përgjithshëm nuk ka asnjë tagër për të dhënë udhëzime për çështje konkrete, dhe këto që përmende i nderuar deputet janë çështje konkrete. Ndëryhyejt e mia në këtë çështje konkrete mi ndalon ligji.
(B.H/Faxweb)
Discussion about this post