Në konferencën për mediat, një ndër pyetjet që iu drejtua Petrit Vasilit ishte edhe ajo lidhur me postin e ministrit të Drejtësisë, i cili do t’i jepet opozitës bazuar në marrëveshjen Rama-Basha mbështetur në paketën “McAllister+”.
I pyetur se ç’mendon lidhur me këtë vendim, ai është shprehur se rëndësi ka vetëm LSI-ja, që të dalë forcë e parë, të gjitha synimet e tjera nuk kanë rëndësi pasi tani prevalon vetëm ky synim.
Z. Vasili a e konsideroni marrëveshjen PS-LSI të cenuar në mënyrë të njëanshme nga kryeministri Rama pasi ju hoqi pa ju pyetur një ministër dhe tre drejtorë?
“Në këtë moment na ndajnë 36 ditë nga zgjedhjet. E rëndësishme është vetëm një gjë, të ecim përpara dhe të binim çdo qytetar që ka shumë mundësi se po të qeveriset ndryshe ky vend dhe LSI të jetë forcë e parë, ka një shans për shumë për ato që elemente thelbësore të përditshmërisë së tyre dhe të raportit që kanë në familje dhe me shoqërinë.
Të gjithë elementet e tjera, të gjithë diskutimet e tjera, nuk kanë asnjë lloj rëndësie dhe kanë rënë, pasi prevalon dhe është madhore vetëm dhe vetëm ky objektiv, ky synim dhe ky përqendrim i cili është më afër se kurrë ndonjëherë.”, është shprehur ai.
I pyetur më tej nëse LSI e sheh mundësinë e koalicionit me ndonjë parti, ai qëndroi në të njëjtën linjë, duke u shprehur se “Të gjitha të tjera do të diskutohen pasi LSI të realizojmë këtë synim parësor.”
Petrit Vasili qëndroi vetëm për disa muaj në këtë post. Më 31 janar 2017, Presidenti i Republikës së Shqipërisë, Bujar Nishani, dekretoi shkarkimin e Manjanit dhe emërimin e Vasilit në postin e ministrit të Drejtësisë.
(XH.A/SHUPLAKA)
Discussion about this post