Duket se kryeministri Rama i ka dhënë fund negociatave që kohë më parë, në takimin mes tij dhe kreut të opozitës Basha në Presidencë. Ai u shpreh se që në këtë moment negociatat kishin dështuar.
‘’Ajo që është zhvilluar nuk është një negociatë mes meje dhe Lulzimit, e kam thënë që në takimin e fundit te Presidenti, që për mua çështja ka mbaruar. Dhe që kur nuk pati një reagim pas tërheqjes nga Kavaja unë nuk kam më çfarë bisedoj. Ashtu siç janë dorëzuar partnerët tanë europianë, dhe këtë e thotë dhe letra e eurokomisionerit Hahn.
Kjo është një përpjekje e partnerëve amerikanë. Unë nuk flas në emër të Amerikës, ata e bëjnë. Ata po përpiqen ta bëjnë, po përpiqen të turbullojnë opinion publik. Basha ka në tavolinë një propozim timin dhe sa më takon mua bën mirë që ta pranojë, një gjë është e sigurt ne nuk luajmë me Shqipërinë, nuk luajmë me njerëzit e këtij vendi’’, u shpreh Rama ndër të tjera sot në Elbasan.
Nga ana tjetër në orën 20:00 pritet që të ketë një mbledhje të Partive Politike në Kryesinë e Kuvendit. Ky takim është kërkuar nga dy parti opozitare PR dhe PAA. Në takim ende nuk është konfirmuar prania e Partisë Socialiste, ndërkohë që të gjitha Partitë e tjera janë shprehur në mbështetje të këtij takimi. (E.K/SHUPLAKA)
Discussion about this post