Eksponentë të PS-së por edhe disa analistë po artikulojnë tezën e mocionit të mosbesimit. Pas situatës së re të krijuar, ku Lulzim Basha kërkon qeveri teknike dhe Ilir Meta ka vendosur të mos hyjë në zgjedhje pa opozitën të bën përshtypje pse po stimulohet pikërisht mocioni i mosbesimit si një zgjidhje e re.
Sot ministri i shkarkuar nga Rama, Ylli Manjani ka deklaruar se i takon opozitës të bëjë mocion mosbesimi dhe Ramës të kërkojë votëbesim, pra mocion besimi, por duket se mocioni i mosbesimit favorizon Ramën: opozita nuk është në Kuvend, megjithse në Kushtetutë nuk përcaktohet se nga duhet të jenë deputetët; nga maxhoranca apo opozita. Po kështu Blendi Fevziu argumenton se nuk duhet një mocion mosbesimi, pasi kjo do e çonte gjendjen në një spirale të panjohur përplasjeje.
Le t’i hedhim një sy Kushtetutës dhe rregullores së Kuvendit, për të zbuluar më shumë. A e ”shpëton” Ramën mocioni i mosbesimit?! Me sa duket është parë si një zgjidhje më e volitshme për socialistët që duan të fitojnë kohë, në krahasim me dorëheqjen e menjëhershme dhe hapjen e rrugës për qeverinë teknike.
Janë dy procese që mund të kryhen me qeverinë: mocioni i besimit dhe mocioni i mosbesimit. Pikërisht mocionin e besimit e ka të drejtë ta paraqesë vetëm kryeministri.
I BESIMIT: Neni 104
- Kryeministri ka të drejtë t’i paraqesë Kuvendit mocion besimi ndaj Këshillit të Ministrave. Në rast se mocioni i besimit votohet nga më pak se gjysma e të gjithë anëtarëve të Kuvendit, Kryeministri, brenda 48 orëve nga votimi i mocionit, i kërkon Presidentit të Republikës shpërndarjen e Kuvendit.
- Presidenti shpërndan Kuvendin brenda 10 ditëve nga marrja e kërkesës. Kërkesa për mocion besimi nuk mund të paraqitet gjatë periudhës së shqyrtimit të mocionit të mosbesimit, sipas nenit 105.
- Votimi i mocionit nuk mund të bëhet pa kaluar tri ditë nga paraqitja e tij.
I MOSBESIMIT: Neni 105
- Një e pesta e deputetëve ka të drejtë të paraqesë për votim në Kuvend një mocion mosbesimi ndaj Kryeministrit në detyrë, duke propozuar një Kryeministër të ri.
- Kuvendi mund të votojë një mocion mosbesimi ndaj Kryeministrit vetëm duke zgjedhur me votat e më shumë se gjysmës së të gjithë anëtarëve të tij një Kryeministër të ri.
- Presidenti i Republikës dekreton shkarkimin e Kryeministrit në detyrë dhe emërimin e Kryeministrit të zgjedhur jo më vonë se 10 ditë nga votimi i mocionit në Kuvend. (V.G/SHUPLAKA)
[ngg_images source=”galleries” container_ids=”1521″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
