A është kjo makina që shkaktoi aksidentin për të cilin po përflitet drejtori i Policisë? (VIDEO)

Ditën e sotme është komentuar gjatë lidhur me aksidentin e dyshimtë të ndodhur në Gjirokastër, ku përflitet se është përfshirë një drejtor policie.

“Shuplaka” ka siguruar pamjet nga vendi i ngjarjes ku pak caste pas aksidentit shihet një makinë e cila pasi përshkon një rrugë prej 500-600 metrave kthehet sërish andej nga erdhi. Megjithatë nuk është e verifikuar ende nëse bëhet fjalë për të njëjtën makinë që  përmend i plagosuri Axhem Mërtiri sot në prononcimin e tij për “Shuplakën”

Kujtojmë që Axhem Mërtiri, i aksidentuari në ngjarjen e dyshimtë, ku po përflitet se është i përfshirë një drejtor policie deklaroi sot në një prononcim për “Shuplakën” tha se ka qenë me vajzën e tij, kur është goditur nga një makinë dhe ka rënë pa ndjenja. Mjeti nuk ka qëndruar menjëherë duke u rikthyer në vendin e aksidentit pas 500-600 metrove po me çfarë ka marrë vesh nga çfarë i është thënë nga policia, mjeti ka qenë me targa false.

”Mbylla dyqanin dhe po ikja për në shtëpi. Duke ikur jashtë vijave të bardha, në anë të bordurës, kam qenë me vajzën, vajza mbi bordurë, unë nën bordurë, ardhur një makinë nga mbrapa, unë nuk e kam ndjerë fare, rënë të fiktë. Kam rënë në gjendje kome, mirëpo me ç’më thonë të tjerët më ka goditur makina ka ikur, ka ikur deri poshtë te nënstacioni aty, nja 500 metro 600 metro, është kthyer prapë, ka parë çfarë është bërë aty. Këto kamerat e sigurisë e kanë kapur aty. Targa del falso aty në polici.

Kërkoj drejtësi!”, tha për ”Shuplaka”-n i aksidentuari Mërtiri.

Në lidhje më këtë aksident gazetari Elio Laze hodhi sot dyshime të forta për përfshirjen e një drejtori policie të Gjirokastrës në këtë aksident. Nga ana tjetër policia ende nuk e nuk ka përgënjeshtruar këtë informacion, ndërsa policia e Gjirokastrës ka dhënë një njoftim të shkurtër rreth ngjarjes:

”Në aksin rrugorë Levan -Tepelenë, në hyrje të fshatit Lulëzim, një mjet i paidentifikuar, ka aksidentuar shtetasin A.M, 59 vjeç, banues në fshatin Lulëzim, Memaliaj dhe është larguar nga vendi i ngjarjes. Shtetasi i dëmtuar ndodhet në Spitalin Civil Fier dhe ndodhet jashtë rrezikut për jetën.” (B.H/Shuplaka)

https://youtu.be/w-A9CTe7Gm0