Ish-kryeministri Berisha thotë se dekretimi si ministër i Brendshëm i Sandër Lleshajt nga presidenti Meta nga pikëpamja kushtetuese, pas sqarimeve të nevojshme, duhej të bëhej. Megjithatë Berisha, sa i pëket pikëpamjes morale, Sandër Lleshaj ishte një “letër e djegur”.
I pyetur nëse opozita ndihej e zhgënjyer me vendimin e presidentit Meta, Berisha tha në emisionin “5 pyetje nga Babaramo” se për opozitën si “Sandër Lleshaj, si Ulsi Manja të gjithë një çorbë janë”, prandaj nuk është e zhgënjyer.
“Formalisht, pas plotësimit të kushteve kushtetuese, ai duhej dekretuar. Moralisht, ai ishte tërësisht letër e djegur. Sandër Lleshi, në thyerje të nenit 186 të Kushtetutës, ka marrë përsipër detyra të tjera, çka kushtetuta ia ndalon ushtarakut aktiv, jo në rezervë. Së dyti, Sandër Lleshi ka bërë hapin e dytë madhor në shkelje të kushtetutës, ka paditur presidentin e Republikës për dekretimin e tij, në një kohë kur kolegjet e Bashkuara të Gjykatës së Lartë, vendimet e të cilave janë normë kushtetuese për vendin, kanë vendosur në vitin 2002 se nuk mund të trajtohen në gjykatë, dekretet e presidentit. Mafiozët e kryeministrit, e kanë bindur gjeneralin që të paditë presidentin dhe të gjejë 2-3 gjyqtarë që t’i japin të drejta që nuk i takojnë. Ai dërgoi propozimin e Ramës për heqjen e spaletave, por faktikisht u emërua ministër në rrafshin moral si një kufomë e pakallur. Ky është vlerësimi im”, tha ai.
Discussion about this post