Duke folur në një konferencë për mediat mbi Samitin e Triestes, kryeministri Rama nuk ka kaluar pa iu përgjigjur dhe pyetjes për ‘listën e zezë’. Listë në të cilën u akuzuan si të korruptuar një sërë emrash zyrtarësh pjesë e administratës në Shëndetësi apo Drejtësi.
Ai tha se është njohur me emrat vetëm në momentin që është publikuar dhe jo më parë. Rama vijoi më tej duke thënë se abuzuesit në administatë nuk kanë parë gjë akoma duke përmendur fjalën ferr.
Sot nga Librazhdi sqaruat se ata janë akuza, a menduat se me hapësirën që keni ju në FB a i hapët rrugë denigrimit të njerëzve pa fakte?
Unë ju them a nuk kuptoni apo bëni sikur nuk kuptoni. Ata janë emra që janë bërë pjesë e listës si pasojë e një grumbullimit të komenteve nga faqja jonë. Nuk ka të bëjë as me preferencat e mija dhe as ndonjë mase administrative që do të merret. Emrat janë një përmbledhje e komenteve.
A ndjen përgjegjësi kryeministri?
Unë nuk kam bërë asnjë përmbledhje dhe njëherë tjetër po të them, unë e kam lexuar siç e keni lexuar ju në momentet që është publikua, lulet mos më prek nuk kanë parë gjë akoma.
Ne po ndërtojmë një mekanizëm ferri për ata që paguhen nga shqiptarët dhe në vend t’iu shërbejnë i grabisin.
Do jetë një mekanizëm ligjor, platform e koalicionit do të jetë online dhe të gjithë njerëzit që duan të bashkohen me ne për denoncimin e abuzimit në zyrat e pushtetit janë të ftuar ta bëjën këtë.
A mendoni që koalicioni me njerëzit e zakonshëm tejkalon institucionet?
Jo nuk mendoj se është kështu.
(E.K/SHUPLAKA)
