Pas aludimeve se Turqia ka qenë e paralajmëruar për sulmin e mbrëmshëm në Stamboll ku humbën jetën 39 persona, ka reaguar SHBA-ja e cila i hedh poshtë këto “thashetheme”.
Përmes një komunikate për shtyp, ambasada amerikane në Ankara njofton: “ndryshe nga thashethemet që po qarkullojnë në rrjete sociale, qeveria amerikane nuk ka pasur asnjë informacion rreth kërcënimeve ndaj ndonjë hapësire të veçantë të argëtimit, përfshirë edhe lokalin Reina”.
Thashethemet përfshinin edhe faktin që SHBA i ka paralajmëruar amerikanët në Turqi që të qëndrojnë larg hapësirave apo lagjeve të caktuara. Por edhe këtë ambasada amerikane e hodhi poshtë.
Në sulmin e mbrëmshëm, një person hapi zjarr në një klub nate në Stamboll të quajtur Reina, duke lënë kështu 39 të vdekur dhe 69 të plagosur. (D.D/Shuplaka)
Discussion about this post