Ish-kryeministri Sali Berisha ka komentuar sot akuzat e PD-së që rëndojnë ndaj ministrit të Brendshëm Fatmir Xhafaj, pasi pretendohet se ai po mbron vëllain e tij Agron Xhafaj për lidhjet e këtij të fundit me drogën.
Berisha tha në emisionin ‘Studio e Hapur’ në ‘News24’ se audiopërgjimi i publikuar dje nga PD është autentik dhe se pas tij fshihet Agron Xhafaj.
“Absolut. Ai është Agron Xhafaj i regjistruar me sukses të plotë. Përpjekja e tij tregon se sa të transfiguruar dhe inkriminuar e ka koshiencën ai. Tregon se ai meritonte 100 herë atë regjistrim. Tregon se emërimi i Fatmir Xhajat kishte një qëllim; trashëgimin e kodit të drogës”, tha ai.
Më pas Bersha tha se familja Xhafaj dhe Rama janë familjet më të mëdha në Shqipëri.
“Është familja mafioze më e madhe në Shqipëri, e para është familja Rama, e dyta familja Xhafaj se është ministri i Brendshëm”, tha Berisha. (B.H/Faxweb)
Discussion about this post