Moderatorja e “Digitalb” Bora Zemani dhe DJ-i i njohur Vin Veli, thuhet se janë ndarë për shkak se nuk e ndjekin më njëri-tjetrin në Instagram. Mirëpo ditën e sotme, në një prononcim për revistën “Who”, çifti i famshëm i ka mohuar këto zëra.
Moderatorja Zemani nuk ka dashur të bëjë shumë komente dhe është përgjigjur shkurt dhe prerë: “Jo, nuk jemi ndarë”.
Ndërkohë Vin Veli, i cili është një ndër DJ-t më të kërkuar të jetës së natës, ka sqaruar edhe arsyen se përse nuk e ndjek Borën në instagram.
“Për këtë e ka fajin një program që kam instaluar së fundmi në telefon, atij duhet t’i kërkoni llogari për këtë. Madje tani që më kujtuat duhet ta ç’instaloj se më ka hapur shumë punë”, është duke qeshur.
Nga ana tjetër, babai i Arborit ka sqaruar se përse i ka kërkuar ai vetë Borës që të shkojë me pushime bashkë me të birin dhe të vëllain të pushojë në Jug.
Ai u shpreh se ‘pas humbjes së babait, dy javë më parë, më duhet të rri më shumë pranë shtëpisë, ndaj nuk mund të shkëputem me pushime. Ndërsa sqaroi se një shkak ishin dhe angazhimet e shumta në këtë sezon, jo vetëm në mbrëmje live, por edhe në studio.
“Borës ia kërkova unë të shkonte me pushime bashkë me djalin, sepse ajo nuk ka kohë tjetër dhe unë kam qenë i ngarkuar me shumë punë këto kohë”, sqaroi Vin Veli duke i dhënë fund njëherë e mirë thashethemeve. (D.D/Shuplaka)
Discussion about this post