Kryeministri Rama dhe komisioneri Johannes Hahn janë pyetur në Durrës, në takimin e liderëve rajonal nëse ata e mbështesin idenë e shkëmbimit të territorit mes Kosovës dhe Serbisë.
Kryeministri Rama dhe komisioneri iu shmangën në mënyrë diplomatike përgjigjes së drejtpërdrejtë.
Hahn tha se ishte herët për të dhënë një përgjigje të tillë por sipas tij duhet të kihet parasysh që çdo marrëveshje që arrihet do ti shërbejë stabilitetit të ballkanit.
“Nuk të bëjmë komente në këtë fazë, takimi në Bruksel nuk do të jetë i fundit, do të ketë një tjetër takim, nuk jam i gatshëm të jap një koment, ne nuk do pranojmë asnjë anëtar që nuk i ka zgjidhur marrëveshjet, dhe ajo që ka vlerë është stabiliteti i rajonit, duhet të jetë krejt e kundërta. Ky do të jetë objektivi kyç”, tha Hahn.
Ndërkohë Rama ‘nëshkroi’ atë që tha komisioneri.
“Keni dhe nënshkrimin tim të fjalës që sapo tha komisioneri”, tha Rama. (B.H/Faxweb)
