Instituti ”Piepoli” nuk është një emër i panjohur për publikun shqiptar. Dje ai publikoi shifrat e sondazhit në ”Report TV”, por disa vite më parë ka bërë sondazhe edhe për ”Vizion+”.
Tani që vërtetësia e sondazheve në Shqipëri po debatohet gjithnjë e më shumë, le t’i hedhim një sy një sondazhi të ngjashëm që kjo kompani italiane ka bërë për zgjedhjet e përgjithshme të 2013-ës.
Në kollonën e parë janë rezultatet e sondazhit para votimit, kurse në kollonën e dytë rezultatet reale pas votimit të shqiptarëve (sipas Komisionit Qëndror të zgjedhjeve).
Sondazhi i vitit 2013 është realizuar përmes 1000 intervistave telefonike rastësore në të gjithë territorin kombëtar.
Siç shihet rezultati i sondazhit me rezultatin real janë shumë të ndryshme për Partinë Demokratike dhe Lëvizjen Socialiste për Integrim. Për PD-në është parashikuar një shifër 38%, kur rezultati real ka dalë 30.63%.
Për Lëvizjen Socialiste për Integrim rezultati i sondazhit është parashikuar 5.5%, ndërsa rezultati real afër 2-fishit të parashikuar, 10.46%.
Po kështu ndryshime ka edhe për partitë e tjera. (V.G/SHUPLAKA)
REZULTATET E SONDAZHIT REZULTATET REALE
PD-38% 30.63 % (50 mandate)
PS-42.5 % 41.36% (65 mandate)
LSI-5.5 % 10.46 % (16 mandate)
FRD-3.5 % 1.7% (0 mandate)
AK-2.5% 0.56 % (0 mandate)
P.R-1.5% 3.02% (3 mandate)
[ngg_images source=”galleries” container_ids=”2066″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Kjo është video e debatit në studion e ”Vizion+” në vitin 2013 ku në minutën 16:40 diskutohet sondazhi.
Discussion about this post