A e mbani mend Elsën e ‘’Pallatit 176”?! Padyshim që secilit prej nesh nëse kujtojmë atë film mendja do të na sjellë sekuenca humori nga kjo pjesë.
Po ku ka humbur Eva Alikaj në gjithë këto kohë? Ajo ka rrëfyer për “Pasdite në Top Channel” se për hir të djalit u detyrua të largohej nga Shqipëria në kulmin e karrierës së saj. Aktorja sakrifikoi vetëm për të. Ai kishte aftësi shumë të mira muzikore, në muzikën klasike dhe Viena ishte vendi i duhur.
Xhino sot është 25 vjeç dhe po shkel në skena me famë botërore, kështu që Eva thotë se sakrifica ia vlejti. Ata nuk jetojnë më bashkë dhe ndaj aktorja nuk e bën më rolin e mamit të rreptë me djalin.
“Nuk e bëj më, sepse jam e detyruar. Sot, nuk e shoh vetëm si djalë. Ai tashmë dëshiron të bëjë gjërat e tij… ka fituar distancë dhe nuk më lejon. Edhe pse do të doja që të më pyeste, por… Ai është djalë shumë i mirë, shumë i talentuar”, – thotë aktorja duke shtuar se Xhino (ai merret me muzikë klasike), tashmë jeton në Shtutgard, ndaj distanca nuk e lejon të jetë “nëna e rreptë.”,-tha Eva.
“Nuk e kam konceptuar dot kurrë kur dëgjoja kolegë të mi të thoshin se “unë po vuaj, mos të vuajë edhe ai në këtë rrugë”. Po ta duash fort një gjë dhe po të jetë fëmija i talentuar, duhet të ndihmosh. Vjena, vendi i muzikës, këtu 97-a dhe unë shikoja që fëmija im ishte student (jo me moshën e studentit, po nga kapaciteti që kishte ende pa qenë student). Kjo ishte diçka që më motivonte dhe kur ishte fjala për të ardhmen e tij, atëherë pse të mos e motivoja?”,-shton ajo.
Ajo ka rrëfyer se Xhixho i di vlerat e saj dhe i qëndron afër “E di që jam dikushi, e pranon fuqinë time. Kam pasur fatin që në disa vlerësime të miat të jetë edhe ai prezent. Edhe kur mora çmimin “Mjeshtre e madhe”, ai ishte këtu dhe sot, e vlerëson ndryshe.”, tregon Eva Alikaj.
Po ashtu Alikaj ka treguar dhe për marrëdhëniet me kolegët, dhe për faktin se nuk kërkon të jetë shumë e ekspozuar në ekrane.
(E.K/SHUPLAKA)
