“A ju vjen keq që nuk do e mbajë Edi Rama portretin tuaj”, si u përgjigj Ilir Meta

Në përfundim të konferencës për shtyp, kryetari i Kuvendit u pyet nga gazetarët “nëse do i vinte keq nëse Edi Rama nuk do të mbante portretin e tij”, nëse institucionet duhet të mbajnë foton e tij kur të jetë president. 

Duke buzëqeshur, ai u shpreh me humor se do i lutet kryetarit të ardhshëm të parlamentit të mos e mbajë foton e tij aty.

“Nuk më vjen absolutisht keq. Unë do të përpiqem të marr këtë pikturën e mikut tim, që kam këtu. (Duke u drejtuar nga portreti i Ismail Qemalit). Do përpiqem të gjej dhe Isa Boletinin. Unë e kam mbajtur foton e Nishanit, por do t’i lutem kryetarit të ardhshëm të Kuvendit mos mbajë foton time. Shqiptarët nuk kanë nevojë për foton time. Unë këtu do jetoj.”, u shpreh ndër të tjera Meta.