I ftuar mbrëmjen e sotme në “Xing me Ermalin” është kryeministri i Kosovës, Ramush Haradinaj, një nga personalitetet më të shquara të Kosovës dhe një figurë emblematike e vendit.
Me të nisur intervistën, moderatori e pyeti kryeministrin nëse ka dashnore. Haradinaj u afrua tek Ermali dhe tha po.
“E vërteta është e vërtet”, u shpreh Haradinaj dhe pranoi të thoshte edhe emrin e saj. “Emri i dashnores time është Anita”, tha kryeministri duke iu referuar bashkëshortes së tij.
Kryeministri i Kosovës ka folur gjithashtu edhe për punët që ka bërë kur nuk ishte pjesë e politikës.
“Nuk di çfarë të të them. Në jetë çfarëdo që të jepet për të bërë, bëje sa më mirë, mos e moho. Nëse punon mirë mund të jetë edhe bazë për një tjetër. Unë kam jetuar në Zvicër për disa kohë dhe atje kam bërë në të njëjtën kohë shumë punë. Kam qenë roje, punoja në ndërtim, kopshtar. Në raste të tjera kam zbritur piano nga një shtëpi dhe e kemi çuar në një vend tjetër. Kam bërë punë të vështira gjithë kohën”, ka thënë ai.
Ermal Mamaqi: Më vjen mirë që me këtë bisedë po motivoni shumë njerëz.
Ramush Haradinaj: Unë kam punuar edhe në Shqipëri. Kam mbledhur hekura të vjetër.
Ermal Mamaqi: Joooo…
Ramush Haradinaj: Po, e sigurt. Kam ndihmuar disa miq të mi. Kam mbledhur hekura në gjithë Shqipërinë dhe kam shkuar disa herë në Elbasan dhe i kemi çuar në një furrë atje.
Ermal Mamaqi: Kjo është e jashtëzakonshme. Ky është një rast motivimi për shumë njerëz që nuk besojnë që mund të bëhen dikush.
(B.H/Faxweb)
Discussion about this post