Organizatori i protestës së Partisë Demokratike, Enno Bozdo, është shprehur se vendimi për ngritjen e tendës përpara Kryeministrisë dhe ngujimi në të, erdhi si vendim pas pjesëmarrjes masive të qytetarëve të zhgënjyer nga qeveria.
“Protesta vazhdon, qëndresa vazhdon, kauzat tona janë të drejta. Prezenca e jashtëzakonshme dje në protestën e 18 shkurtit e gjithë qytetareve imponuan vendimin për të ngritur çadrën.”, është shprehur ai.
I pyetur nga një televizion lidhur me financimin e protestës në rast se ajo vijon, ai është shprehur se nuk ka financues dhe janë vetë qytetarët që po kontribuojnë:
“Nuk ka financim, ju e shihni që ka vetëm stola. Kanë ardhur me vullnet të lirë, vetë protestuesit financojnë. Ka pasur nga ata që kanë sjellë ushqime.” (XH.A/SHUPLAKA)
Discussion about this post