Pas protestave të banorëve të Zharrzës dhe hyrjes në grevë urie, Ministria e Energjisë njoftoi se kishte urdhëruar kompaninë ‘Bankers’ për të ndërprerë operacionet hidrokarbure në fushën e Patos-Marinzës. Banorët akuzonin kompaninë se ishte shkaktare e tërmeteve të njëpasnjëshme në zonë.
Njoftonte ministria më datën 23 Dhjetor:
”Ministria e Energjisë dhe Industrisë shprehet e vendosur për të marrë të gjitha masat e nevojshme për të zgjidhur shqetësimin e shprehur nga banorët e fshatit Zharrës. Në këtë kuadër, Ministri Gjiknuri i ka kërkuar ditën e sotme kompanisë “Bankers Petrolium” ndërprerjen urgjente të operacioneve të injektimit me presion të lartë të ujit teknologjik në puset e lokalizuara përreth fshatit Zharrëz, deri në një njoftim të dytë.”
Por ndonëse ministria nuk ka bërë ende njoftimin e dytë, disa foto të siguruara nga Hashtag.al, tregojnë se më datën 27 Dhjetor (pra 4 ditë pas njoftimit të Gjiknurit për ndërprerje), kompania Bankers ka vijuar operacionet hidrokarbure.
Ministria bëri një deklaratë ekstravagante më 23 dhjetor, premtoi ndërhyrje energjike, por duket se ‘Bankers’ vijon operacionet normalisht, ndërsa protesta dhe greva e banorëve është shpërfillur tërësisht nga televizionet dhe media proqeveritare. / Hashtag.al
[ngg_images source=”galleries” container_ids=”188″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post