Mjeku i spitalit Infektiv Dhimitër Kraja ka dhënë detaje në lidhje me gjendjen e personave të shtruar në spitalet Covid, dhe format e sëmundjes që ata shfaqin.
Kraja tha se në kohët e fundit është vënë re një rritje e rasteve serioze në radhët e grave shtatzëna, ndërsa pranoi se ka viktima dhe në radhët e personave që kanë marë dy dozat e vaksinës, duke theksuar se bëhet fjalë për një numër shumë të ulët.
Kraja shtoi se grupmoshat që janë në spital fillojnë nga 19 deri në 89 vjeç.
“Ka ende 30% kapacitet në spitalin Infektiv, të sëmurët janë kryesisht nga Tirana, Durrësi dhe Elbasani, grupmoshat janë nga 19-89 vjeç, mbizotëron grupmosha mbi 55 vjec. Ka pasur një numër shumë të madh pacientesh gra shtatzëna, të cilat kanë forma serioze, 63% e rasteve paraqesin forma të rënduara të sëmundjes, edhe nga sëmundjes shoqëruese”, u shpreh Kraja.
A ka të vaksinuar të shtruar në spital?
Po ka, një kontigjent i vogël
A ka raste vdekjesh në radhët e personave të vaksinuar?
Po ka, një përqindje edhe më e vogël
Sa është vdekshmëria në spitalin tonë?
Ka 5,1-5.4 raste vdekjesh në ditë
(E.K/Faxweb.al)
Discussion about this post