Kryministri Edi Rama në konferencën me Frederika Mogherinin është pyetur nga gazetarët nëse pranimi i çeljes së negociatave nga ana e Gjermanisë lidhet me arrestimin e Saimir Tahirit.
Rama u përgjigj se jo, pasi në ditën që Prokuroria do të paraqesë një provë të vetme kundër tij, atëherë shumica do të votonte pro arrestimit.
Rama u shpreh: Gjermania nuk është një vend skeptik për zgjerimin, po është një vend kampion për projektin e Europës së bashkuar. Kancelarja gjermane është në krye të këtij projekti, kështu që ti bëjmë të qarta këto dallime që të mos ngatërrohemi me këmbët tona.
Ka forca radikale brenda Parlamentit gjeman, e cila ka hyrë së fundi që është kundër projektit të BE-së, po ashtu ka individë të lidhur me PD-në e Shqipërisë, që janë kundër zgjerimit të BE-së edhe me Shqipërinë.
Në procesin e Saimir Tahirit shumica qeverisëse ka zbatuar në frymë dhe në gërmë atë që Komisioni i Venecias ka rekomanduar në raste të tilla, të arrestit për një deputet.
Së dyti ne e kemi thënë që ditën e parë, ne po presim që prokuroria e krimeve të rënda të kthehet me fakte dhe me prova. Jo dhjetë, po qoftë edhe një provë e vetme dhe Kuvendi do të japë miratimin për kërkesat e tyre.
Së treti e thashë dhe po e përsëris, është gjëja më e lehtë që të nxirren bishta dhe të nxirren alibira dhe të krijohen pseudoargumenta, përballë faktit se ne i kemi bërë të gjitha detyrat e shtëpisë. Europa nuk po jeton në ditën e saj më të mirë sa i përket erës së zgjerimit.
(E.K/FAXWEB.AL)
Discussion about this post