Rudina Hajdari e cila nuk dogji mandatin e deputetit do të jetë sot e pranishme në parlament.
Pak minuta para se të futej në sallë ajo ka dhënë një intervistë për Ora neës, ku është shprehur se arsyet e vendimit të saj për ta mbajtur mandatin do ti thojë në foltoren e Kuvendit.
Zonja Hajdari përse nuk dogjët mandatin?
Rudina Hajdari: Do ta them në parlament
A ndihet tradhtare?
Rudina Hajdari: Absolutisht jo.
Hajdari komenton dhe faktin që vëllai i ka qëndruar përkrah zotit Basha në protesta ndërsa ajo është në parlament.
Rudina Hajdari: Unë dhe vëllai im luftojmë për të njëjtin qëllim, ardhjen e demokracisë. Nuk kemi asnjë kundërshtim me njëri tjetrin.
Ndërsa deputetja Hajdari ka marrë pjesë në seancën e sotme parlamentare, pasi refuzoi të digjte mandatin si deputete e PD-së, opozita po mban një protestë jashtë Kuvendit të Shqipërisë.
Protesta e sotme është në vazhdën e protestave që opozita ka deklaruar se do të organizoje deri në rrëzimin e qeverisë Rama, ngritjen e një qeverie teknike si dhe mbajtjen e zgjedhjeve të parakohshme.
Sot janë betuar dhe 3 deputetë të rinj të LSI-së (lexo ketu) duke e çuar në 17 numrin e deputetëve nga PD dhe LSI.
Numri i deputetëve të opozitës në Kuvend shkon:
Tre nuk u dogjën që në fillim:
1. Lefter Koka
2. Myslim Murrizi
3. Rudina Hajdari
14 janë betuar:
1. Ylli Shehu
2. Aurora Mara
3. Enver Roshi
4. Edmond Rrushi
5. Lefter Maliqi
6. Alban Zeneli
7. Ligoraq Karamelo
8. Majlinda Halilaj
9. Ediola Braha
10. Edlira Hyseni
11. Elda Hoti
12. Ralf Gjoni
13. Nimet Musaj
14. Enada Koçiraj
Discussion about this post