Ish ministri i drejtësisë, Gazmend Bardhi i ftuar në “Studio e Hapur”,tha se veprimi i Ismail Morinës në Beograd nuk përbën vepër penale. Sipas tij shfaqja e një banderole në një stadium nuk nxit asnjë urrejtje mes dy kombeve.
Po ashtu ai shtoi se autoritetet shqiptare duhet të këmbëngulin, pasi nuk jemi në rastet kur duhet të bëhet ekstradimi.
“Unë kam vlerësuar dhe vlerësoj se veprimi i Ismail Mornës në Beograd nuk kemi vepër penale. Pra për veprimet që kanë bërë tifozët në Serbi nuk janë dënuar dhe këtu ka pabarazi. Shfaqja e një banderole nuk nxiti asnjë urrejtje mes dy kombeve. Mendoj e autoritetet shqiptare duhet të këmbëngulin që nuk jemi në rastet për ekstradim”, tha Bardhi.
Ndërkohë ambasadori shqiptar në Kroaci u shpreh optimist se do ketë një vendim pozitiv në favor të Morinës.
(S.SH/Shuplaka)
