Presidenti i Republikës, Ilir Meta u pyet nga gazetari Thimi Samarxhiu se për shkak të situatës që është krijuar në vend, mos vallë politikanët po bëhen qesharakë.
Ndërkohë Meta e pyeti gazetarin të cilin i bëri pyetjen se kë ka kryeredaktor në televizionin ku punon, pasi pyetja sipas tij ishte tendencioze.
Kur Tedi Blushi, zëdhënësi i zyrës së shtypit në presidencë i tha emrin e gazetarit Sokol Balla, Meta u kthye dhe pyeti nëse Balla vetë kishte ndonjë konflikt interesi, edhe pse e quajti ”miku im”.
Meta kujtoi se nëna e fëmijëve të Ballës punon për qeverinë, duke iu referuar ministres Belinda Balluku, ish-bashkëshorte e Sokol Ballës.
Pyetje: A mos vallë po behët si qesharake dhe politikanë po duken qesharakë për situatën në të cilën ndodhet vendi?
Meta: Kush është kryeredaktor në tëlëvizionin ku punon?
Thimi Samarxhiu: Çfarë rëndësie ka?
(Meta këmbëngul që të mësojë emrin)
Tedi Blushi: Kol Balla
Meta: I kam ndjekur analizat dhe shkrimet e mikut tim, Kol Ballës. E kam dëgjuar këtë merak dhe nga Sokol Balla pse unë jam burri i Monika Kryemadhit, ka merak që nëna e fëmijëve të mi është në opozitë dhe kam konflikt interesi, dhe nuk ka interes çfarë kalon vendi. Por po them se ai nuk ka konflikt interesi në ato që deklaron sepse gruaja e tij, më falni, nëna e fëmijëve të tij punon në qeveri?!
Pavarësisht përplasjeve, zyrtarisht Sokol Balla nuk ka rol drejtues në Vizion Plus, ndryshe nga sa pretendon Presidenti Meta dhe iu referua gjatë fjalës së tij./Faxweb.al
