Aleatët e opozitës kanë zhvilluar ditën e sotme një konferencë për shtyp në të cilën po prezantojnë platformën e tyre për zgjidhjen e krizës politike në vend.
Ideja kryesore e të pesë kryetarëve të partive Dashamir Shehu, Fatmir Mediu, Agron Duka, Vangjel Dule dhe Nard Ndoka është ngritja e një qeverie tranzitore si kusht themelor për pjesmarrjen në zgjedhje dhe organizimin e një tryeze për bashkëbisedim mes Ramës dhe Bashës.
Në plaftormën e prezantuar janë rreshtuar një sërë pikash që kjo aleancë kërkon të shqyrtohen dhe të zgjidhen:
- Kjo tryezë të vlerësojë kushtet dhe kërkesat e OSBE/ODHIR për të shmangur shitblerjen e votës, intimidimin e votuesve dhe përdorimin e Administratës Shtetërore.
2. Kontrolli mbi territorin dhe proçedimi i grupeve kriminale, të cilat janë evidentuar në shitblerjen e votës.
3. Proçedimin penal nga ana e Prokurorisë të dosjeve të bëra publike nga media, për manipulimin e zgjedhjeve.
4. Vlerësimin e skadimit të afatit të kartave të identitetit dhe pajisjen e qytetarëve me karta.
5. Vlerësimin e përjashtimit nga lista të mbi 270,000 votuesve.
6. Përcaktimi i një date për zgjedhjet lokale dhe parlamentare, me një qeverisje transitore (qeverisje kujdestare) me dakortësi politike.
7. Data e zgjedhjeve të përcaktohet në përputhje me detyrimet dhe implementimin nga qeverisja tranzitore, e kushteve për zgjedhje të lira dhe të ndershme dhe shkëputjes së strukturave të Shtetit nga krimi i organizuar.
8. Reformë zgjedhore e cila ndalon financimin e paligjshëm, dënon jo vetëm njerëzit e angazhuar në blerje dhe manipulim votash, por edhe subjektet politike që marrin pjesë në manipulimin e zgjedhjeve.
Vangjel Dule Kryetar I PPDNJ është shprehur se është kusht themelor krijimi i një qeverie tranzitore që opozita të marrë pjesë në zgjedhjet vendore.
“Dokumenti që kemi përgatitur përmban plaformën e bashkëpunimit të tonë për një zgjidhje të ngërccit politik dhe që mund të na ccojë drejt zgjedhjeve.Është e vetëkuptueshmë që një marrëveshje që duhet të ërmbajë domosdoshmërisht ngritjen e qeverie tranzitore që do të ketë objektiva të mirëpërcaktuar në realizimin e zgjejeve të ndershme, të lira dhe të barabarta. Qyetarëve shqiptarë u duhet dhënie siguria e një shteti të sigurtë në të cilën goditet krimi. Është pikënisja kryesore që aleanca jonë ka ngritur.
Ju pushteti i katërt po qëndroni pasiv që po shikoni zhvillmd që po ndodhin si një spektakël. Kjo është një sfidë e përbashkët e të gjithve që të shkulim rrënjët e së keqes.” tha Dule.
Ndërkohë që Fatmir Mediu është shprehu se kjo aleancë i kërkon Presidentit të Republikës të organizojë një tryezë për një bashkëbisedim mes Ramës dhe Bashës.
“Ne kemi folur, dhe i kërkojmë presidentit të vendit të organizojë tryezën, nuk mendoj se përcaktojmë ne kush është kryetari i PS, përfaqësuesit e forcave politike duhet të ulen së bashku për të gjetur një zgjidhje, dhe ky është qëndrimi ynë.” është shprehur Mediu.
Ndërkohë Dashamir Shehi është shprehur se do mbështesin Bashën në rrezimin e qeverisjes Rama pasi nuk e duan ate si kryeministër.
“Ne nuk futemi se është djegur afati, u mbyll kjo punë, kemi firmosur një marrëveshje me PD, nuk e duam Ramën kryeministër, edhe kjo punë ka mbaruar. Janë djeg mandatet, edhe zgjedhjet, nuk pranojmë të futemi në zgjedhje. Secila nga partitë ka ide të ndryshme për kodin zgjedhor.” Është shprehur Shehi.
Platforma e plote për Marrëveshje Kushtetuese:
Duke vlerësuar se situata politike në vend është shumë e rëndë dhe e paprecedent, sistemi ynë kushtetues Republikë Parlamentare, pothuaj ka rënë tërësisht dhe transformuar në Republikë e Kryeministrit Rama;
Duke u ndodhur përballë pamundësisë politike dhe ligjore për të ndalur veprimet antikushtetuese të qeverisë dhe mazhorancës socialiste për mëse 2 vjet, për shkak të mungesës së Gjykatës Kushtetuese;
Duke vlerësuar qëllimin e Reformës në Drejtësi, si mundësi për krijimin e një drejtësie të pakorruptuar dhe të pavarur, por që u deformua qëllimisht nga Rama, për ta kontrolluar politikisht, me pasoja të rënda mbi të drejtat e qytetarëve, për shkak të pamundësisë së tyre për gjykimin në kohë të mijëra çështjeve administrative, civile dhe penale, mungesa e një procesi të drejtë gjyqësor, për shkak të mos funksionimit për më se 2 vjet të Gjykatës së Lartë (duke dyfishuar numrin e dosjeve që presin për gjykim).
Duke vlerësuar me shqetësim gjendjen e rëndë në vend, korrupsionin masiv, trafikun e drogës, përhapjen dhe fuqizimin e krimit shqiptar, siç vlerëson edhe raporti i fundit i DASH (Departamenti Amerikan i Shtetit);
Konstatimi se këto grupe kriminale në shumë qarqe të vendit, jo vetëm janë të paprekshëm, por zotërojnë potencial njerëzor aktiv kriminal dhe kontrollojnë sektorë të rëndësishëm të ekonomisë dhe investimeve publike të lidhura me korrupsionin qeveritar;
Duke dënuar kontrollin politik mbi Prokurorinë, në kundërshtim me Kushtetutën, si dhe mos hetimin e krimeve elektorale për blerjen e votave dhe intimidimin e votuesve nga grupe kriminale dhe kartelet e drogës, në marrëdhënie dhe shërbim të pushtetit absolut të Ramës;
Duke vlerësuar se eksodi masiv ka marrë përmasat e një spastrimi të shqiptarëve, me pasoja të rënda politike, ekonomike dhe sociale;
Duke konstatuar se në zgjedhjet e 30 Qershorit 2019 janë regjistruar vetëm parti politike të mazhorancës, si dhe përpjekjet e Ramës për të organizuar zgjedhje farse, me qëllim që të krijojë idenë false se zgjedhjet do të jenë ‘konkurruese’, përballë Opozitës dhe qytetarëve nga ana tjetër, të vendosur për të mos lejuar zhvillimin e zgjedhjeve farse, tentativën e qeverisë për një krim elektoral me pasoja shkatërruese për vendin, e cila do të çonte në një përplasje me pasoja për vendin dhe Unitetin e Popullit.
Partitë tona të Qendrës së Djathtë, në respekt të marrëveshjes së nënshkruar me Partinë Demokratike dhe partitë e tjera opozitare, me qëllim garantimin e zgjedhjeve të lira dhe të ndershme, jashtë ndikimit të grupeve kriminale dhe qeverisë të lidhur me to, të angazhuar për t`a kthyer vendin në binarët kushtetues dhe plotësuar detyrimet e vendosura nga BE:
Partitë tona, si Grupim i Qendrës së Djathtë (GQD) të përbërë nga; PR, PAA, PBDNJ, LZHK dhe PDK, propozojnë realizimin e një Marrëveshje Politike Kushtetuese, duke propozuar sa më poshtë:
Thirrja e një tryeze politike nga Presidenti i Republikës, e përfaqësuesve të opozitës dhe mazhorancës.
Bazuar në Nenin 86/1, Presidenti është garant i unitetit të popullit. Ky unitet garantohet nga respektimi i të drejtave dhe lirive të qytetarëve, në respekt të Kushtetutës.
Neni 1 i Kushtetutës sanskionon se ‘qeverisja bazohet në një sistem zgjedhjesh të lira, të barabarta, të përgjithshme e periodike’.
Mungesa e zgjedhjeve të lira dhe të ndershme, po shkatërron parimin themelor e kushtetues të pluralizimit.
Kjo tryezë të vlerësojë kushtet dhe kërkesat e OSBE/ODHIR për të shmangur shitblerjen e votës, intimidimin e votuesve dhe përdorimin e Administratës Shtetërore.
Kontrolli mbi territorin dhe proçedimi i grupeve kriminale, të cilat janë evidentuar në shitblerjen e votës.
Proçedimin penal nga ana e Prokurorisë të dosjeve të bëra publike nga media, për manipulimin e zgjedhjeve.
Vlerësimin e skadimit të afatit të kartave të identitetit dhe pajisjen e qytetarëve me karta.
Vlerësimin e përjashtimit nga lista të mbi 270,000 votuesve.
Përcaktimi i një date për zgjedhjet lokale dhe parlamentare, me një qeverisje transitore (qeverisje kujdestare) me dakortësi politike.
Data e zgjedhjeve të përcaktohet në përputhje me detyrimet dhe implementimin nga qeverisja tranzitore, e kushteve për zgjedhje të lira dhe të ndershme dhe shkëputjes së strukturave të Shtetit nga krimi i organizuar.
Reformë zgjedhore e cila ndalon financimin e paligjshëm, dënon jo vetëm njerëzit e angazhuar në blerje dhe manipulim votash, por edhe subjektet politike që marrin pjesë në manipulimin e zgjedhjeve.
Kthimi i Parlamentit në një Parlament përfaqësues dhe kushtetues, nëpërmjet ndryshimit të sistemit zgjedhor, nëpërmjet një sistemi zgjedhor dhe votimi me lista të hapura, ku qytetarët të zgjedhin jo vetëm partitë politike, por edhe deputetin që do t`i përfaqësojë në Parlament, si dhe një shpërndarje të mandateve në përputhje me parimin e barazisë së votës.
Përcaktimi me një dispozitë transitore kushtetuese për një periudhë 15 vjeçare, i krijimit të një Qeverie Kujdestare 6 muaj përpara zgjedhjeve, duke përcaktuar me ligj formën, kriteret e përfaqësimit dhe detyrat e saj.
Vlerësimi i kuadrit kushtetues të vendit, me një grup të posaçëm ekspertesh të së Drejtës Kushtetuese, vendas dhe të huaj, për të mundësuar kthimin e Republikës Parlamentare dhe funksionimin e saj, bazuar në pavarësinë dhe balancimin e pushteteve.
Bashkëpunimi për një vlerësim të drejtë të Reformës në Drejtësi, funksionimi urgjent i Gjykatës Kushtetuese dhe Gjykatës së Lartë, qoftë edhe me një amendim të përkohshëm, për t`i bërë ato funksionale, duke zhvilluar një proçes për të garantuar integritetin, profesionalizmin dhe pavarësinë e tyre.
Kufizimi i mandatit të Kryeministrit dhe deputetëve.
Të bëhet testi i drogës për Presidentin, Kryeministrin dhe deputetët.
Zgjedhja e Presidentit të Republikës drejtpërdrejtë nga populli dhe jo nga mazhoranca apo pazare politike. Zgjerimi i kompetencave të tij në fushën e Sigurisë dhe Drejtësisë.
Krijimi i një sistemi parlamentar me dy dhoma, Senat dhe dhomë e përfaqësuesve. Senati të ushtrojë një pjesë të detyrave dhe kompetencave të Gjykatës Kushtetuese dhe një pjesë tjetër të kompetencave të Gjykatës Kushtetuese t`i kalojnë Gjykatës së Lartë.
Rishikimi i Reformës Administrative, për t`a çuar pushtetin lokal afër dhe në shërbim të njerëzve dhe jo vetëm në qendrat e mëdha urbane, me qëllim kontrollin politik të territorit.
Nëse do të shohim përbërjen e këshillave bashkiakë, mbi 95% e tyre janë nga qendrat urbane, duke lënë të papërfaqësuar pjesën më të madhe të popullsisë.
Partitë tona angazhohen në dialog me forcat e tjera politike, duke qenë të hapur për qëndrimet dhe gjykimet e tyre.
(J.B/FAXWEB.AL)
