Fjalimi i Rigerta Lokut ditën e sotme në Kuvend tërhoqi vëmendjen e të gjithëve, të pranishmëve në Kuvend por edhe mbarë opinionit publik, kjo sepse kërkesat e saj nga foltorja e Kuvendit ishin aq jetike për çdo banorë të këtij vendi.
“Ujë, rrugë, qendër shëndetësore”, asgjë tjetër tha Rigerta nga Kuvendi, e cila fitoi simpatinë e të pranishmëve dhe të opinionit të gjerë publik.
Megjithatë politika synon t’i afrojë këta persona për përfitimet e saj, të cilat nuk kanë lidhje me ato që Rigerta listoi në Kuvend.
Siç shihet në këtë foto, me ministrin e bujqësisë Niko Peleshi, të postuar nga ky i fundit në rrjetet sociale, duket se edhe mirditorja nuk i ka shpëtuar këtij truku.
Por dyshimet mund të shkojnë edhe më tej, nëse fjalimi i sotëm në Kuvend i lejuar nga organizatorët ishte një skenar i përgatitur, kjo për të larguar vëmendjen nga ngjarjet e fundit të krimit dhe drogës për të cilat qeveria është vënë nën rrebesh kritikash.
Megjithatë, nuk kuptohet, po e përdor politika apo është një skenar totalisht i saj.
POSTIMI I PELESHIT:
Kjo eshte Rigerta qe pasi perfundoi studimet ne Sapienza, u kthye ne fshatin e vet ne Mirditë dhe ngriti nje fermë dhish. Fjala e saj sot ne Parlamentin rural i emocionoi dhe i futi ne mendime te gjithe.
U be njecerek shekulli qe fshati eshte jashte vemendjes e megjithate na jep 20% te Produktit te Brendshem Bruto. I paorientuar, i pakeshilluar, i permbytur fermeri shqiptar ka mbijetuar. Sot u ul ne karriget e parlamentit dhe kerkoi te degjohet.
Nuk ka simbolike me te gjetur se kjo per nevojen e koalicionit me njerezit e zakonshem ne vend te koalicionit mes partive.
(B.H/Shuplaka)