“A po hakmerret Rama 29 vjet më vonë?”, Bardhi bën thirrje pas prishjes së godinës 15: Të shembim modelin diktatorial

Sekretari i Përgjithshëm i Partisë Demokratike, Gazment Bardhi reagoi në “Facebook” për prishjen e godinës nr. 15 në Qytetin Studenti, por edhe për 8 Dhjetorin, Ditën e Rinisë.

Bardhi e sheh prishjen e kësaj godine si një hakmarrje të kryeministrit Edi Rama dhe thotë se pas 29 vitesh në vend sërish sundon diktatura. Për këtë arsye ai bën thirrje që ky model të rrëzohet.

“A po hakmerret Rama 29 vjet më vonë? Prishet për shkak të dëmtimeve nga tërmeti godina 15 e Qytetit Studenti? Pikëpyetje të mëdha lindin pikërisht pas ditës së zgjedhur 8 Dhjetor, dita që identifikohet me nderimin e Lëvizjes studentore ‘90. Është godina historike ku levizja studentore e nisur për drita e ujë u kthye në levizje politike.

Gëzuar të gjithëve 8 Dhjetorin! 29 vjet më vonë vendi përballet me modelin diktatorial, që njëlloj duhet shembur, njëlloj si atëherë, për të ardhmen e për vendin. #KurrëMëKthimPas”, u shpreh Gazment Bardhi në postimin e tij.

(M. I./ Faxweb.al)