Një pjesë e madhe e drejtorive në Shkodër, janë ende pa drejtora për shkak të konflikteve të brendshme në Partinë Socialiste, dhe për ndarjen e tortës mes vetë deputetëve.
Për këtë shkak shumë shërbimë në administratë janë të paplota, ndërsa në dijeni të këtij fakti është dhe vetë koordinatori i PS në Shkodër Arben Pëllumbi.
Duke folur për mediat pas mbledhjes së strukturave lokale, Pëllumbi tha se për zgjedhjen e drejtorëve të rinj po merret kohë në mënyrë që në fund qytetarët të marrin shërbime sa më efektive.
Pëllumbi: Unë e kuptoj që edhe kjo pjesë ka një rëndësi të madhe sepse pikërisht ka të bëjë me shërbimet që ofron administrata ndaj qytetarëve të Shkodrës por edhe më gjerë. Por nuk është pjesë e kësaj bisede sot, nuk është pjesë e këtij takimi sot.
Ne kemi ngritur një grup qytetarësh të spikatur ndofta edhe një cikë më i gjërë se kaq, të cilët janë duke bërë propozimet e tyre për emra që ata mendojnë se mund të jenë përfaquesit më të mirë të qytetarëve të Shkodrës për të drejtuar institucionet qofshin ato shtetërore qofshin locale.
Në këtë konsensus pak të gjërë sigurisht fjala e fundit i takon qeverisë, i takon ministrave, i takon kryeministrit, në dijenin time është një proces që po zhvillohet.
Duhet të kuptoni dhe të mirëkuptoni që nuk është një proces i lehtë se po të ishte i tillë bëhej me një të rënë të lapsit. Po përpiqemi të bëjmë më të miren e mundëshme për të dhënë përfaqësuesit më dinjitoz, qoft për PS-në qoft edhe për drejtuesit e administratës.
(E.K/Faxweb.al)
Discussion about this post