Fatjona Memçaj, kandidate për prokururore ka qenë sot në KLP, ku i është përgjigjur dhe pyetjes së sikletshme të anëtares Nurihan Seiti. Kjo e fundit e pyeti Memçajn, nëse në rastin e emërimit të saj si prokurore, presidenti e ka shkelur apo jo ligjin.
“Emërimi juaj ka detyruar PP-në dhe Presidentin te shkelin ligjin duke ju emëruar, sepse nuk plotësonit 7 vitet për t’u bërë prokurore. Çfarë mendoni atëherë për veten tuaj? Ka ndonjë vlerë të jashtëzakonshme profili juaj, që këto dy instiucione kanë arritur t’ju propozojnë dhe dekretojnë?”, e pyeti Seiti.
Ndërkohë që Memçaj u shpreh se shkelja e ligjit është një çështje intepretimi, ndërfsa shtoi se ka qenë një nga prokuroret e para që ka kaluar në Veting, në një seancë që sipas saj nuk kishte zgjatur më shumë se 15 minuta.
“Është çështje interpretimi të ligjit jo shkelje. Kam marrë 5 vota nga 6 dhe presidenti i Republikës ka dëgjuar çka është diskutuar në këshill dhe ka lëshuar një dekret. Shkaku për këtë është tjetër gjë, nuk ka të bëjë as me ligjshmërinë e emërimit tim dhe as me integritetin e atyre që e kanë bërë dhe jam e sigurt se nuk do ta shkelte njeri ligjin për profilin tim.
Nuk ka pasur shkelje ligji, por interpretim. Ju besoj e dini se jam një nga prokurorët e para që e kam kaluar Vetingun, në një seancë që nuk zgjati më shumë se 15 minuta, dhe nuk më është gjetur asnjë shkelje”, u shpreh Memçaj.
(E.K/Faxweb.al)
Discussion about this post