Ish-kryeministri Sali Berisha, i ftuar në emisionin “Studio e Hapur” të gazetares Eni Vasili, ka folur për marrëdhëniet me presidentin e ardhshëm të Republikës Ilir Meta, por edhe për listat e PS-së.
“Deklaratat janë deklarata, Meta tani është president i Republikës, I zgjedhur me votat e shumicës, natyrisht unë kam ndikuar që opozita, ashtu si edhe kryetari Basha që nuk e quajti problematike votimin për Presidentin.
Pimë një kafe normal si dy njerëz që kanë punuar dikur, nuk kemi folur për marrëveshjen. Asnjë gjë fare.
Problem është këtu, tjetër gjë janë deklaratat politike dhe tjetër deklaratat, ai është në koalicion me Edi Ramën sot.”, tha Berisha për deklaratën e Metës që ai ishte “pika e tij e fortë”.
Ndërkaq, i pyetur nëse do kandidojë në zgjehdjen e 25 qershorit për deputet dhe nëse ai po merret me listat, Berisha është përgjigjur me këto fjalë: “Vullneti im është pozitiv por unë pres vendimin e tyre. Nuk përzihem në lista. Nuk është detyrë e imja.” (D.D/Shuplaka)
Discussion about this post