Pavarësisht denoncimit të disa ditëve më parë kompania “Abcom” denoncon se dëmtimi i rrjetit të saj në qytetin e Korçës vazhdon. Kompania thotë se pavarësisht këtyre akteve kompania vijon punën e saj në shërbim të klientëve.
Po ashtu ABCom detyrohet t’i ribëjë thirrje strukturave përkatëse të ushtrojnë autoritetin në mbrojtje të investimeve të huaja në Shqipëri dhe në mbrojtje të së drejtës të qytetarëve të këtij vendi për të pasur shërbim cilësor, i cili mund të vijë vetëm nga konkurrenca e ndershme.
NJOFTIMI:
Vetëm pak ditë pasi ABCom ka denoncuar dëmtimet masive të rrjetit qe kompania po ndërton në qytetin e Korçës, bandat pirate kanë goditur sërish.
Dëmi prej qindra mijëra dollarësh i shkaktuar nga aktet vandale është thelluar me dëme të mëtejshme të kryera në dritë të diellit.
Kabujt e rrjetit ABCom vazhdojnë të dëmtohen qetësisht dhe sistematikisht, pavarësisht denoncimit publik, si dhe në strukturat përkatëse nga ana e kompanisë.
ABCom bën me dije se pavarësisht bashkëpunimit të forcave të rendit, opeatorët fantazëm vazhdojnë të godasin investimet e huaja në Shqipëri, duke sfiduar hapur strukturat shtetërore që kanë marrë përsipër të mbrojnë konkurrencën e lirë dhe të ndershme.
ABCom ka denoncuar dhe do vazhdojë të denoncojë në mënyrë të vazhdueshme pranë institucioneve shtetërore, piraterinë televizive, evazionin fiskal dhe “punën në të zezë” të kryer nga operatorë fantazëm. Aktet vandale që sfidojnë shtetin dhe progresin, nuk do të pengojnë në asnjë moment kompaninë ABCom, që të shkojë pranë qytetarëve më shërbim cilësor, serioz e dinjitoz pa kompromis, sipas standardeve ndërkombëtare, pasi kjo është rruga e vetme drejt progresit e zhvillimit të një vendi.
Për këtë arsye, ABCom detyrohet t’i ribëjë thirrje strukturave përkatëse të ushtrojnë autoritetin në mbrojtje të investimeve të huaja në Shqipëri dhe në mbrojtje të së drejtës të qytetarëve të këtij vendi për të pasur shërbim cilësor, i cili mund të vijë vetëm nga konkurrenca e ndershme.
(E.K/SHUPLAKA)
Discussion about this post