Absurde në Napoli, pankarta “Jo luftës” nuk mund të hyjë në stadium: arbitri është rus!

Sporti për të promovuar një mesazh paqeje pas luftës midis Rusisë dhe Ukrainës. Ky ishte qëllimi i disa tifozëve të Napolit, të cilëve pak minuta nga fillimi i ndeshjes se kthimit te play-off-it të Europa League kundër Barcelonës, autoritetet i mohuan mundësinë e mbajtjes së një pankarte paqeje me shkrimin: “Jo luftës”…

Arsyeja është mjaft e diskutueshme: prania e arbitrave rusë. Ajo fjali në pankartë në fakt u interpretua si një mesazh me vlerë politike duke pasur parasysh praninë në fushë të arbitrit Karasev…

Pankarta në fjalë do të kishte dashur ta sillte brenda stadiumit ‘Ultras 72’, apo një grup i organizuar i Curva B. Një pozicion i papritur që bëhet edhe më serioz nëse kemi parasysh se përveç pankartave të paqes, futja edhe e flamurit Ukrainas.

Vendimi është marrë nga UEFA e cila u ka imponuar të gjithëve që të mos krijojnë probleme të mëtejshme pas asaj që po ndodh, duke mohuar gjithashtu një mesazh paqeje që mund të bëjë mirë vetëm në një moment dramatik për Ukrainën dhe për të gjithë Evropën.

Nuk është hera e parë që UEFA merr një qëndrim të tillë. Madje, edhe me rastin e Kampionatit të fundit Europian, kryebashkiaku i Mynihut i kishte kërkuar Uefa-s dhe Federatës Gjermane ndriçimin e stadiumit që do të priste Gjermani-Hungari në mbështetje të diversitetit, tolerancës dhe barazisë me ngjyrat e flamurit të ylberit; dhe në kundërshtim me ligjet e parlamentit hungarez i cili kishte vendosur kufizime në shpërndarjen dhe ndarjen e përmbajtjeve që kanë të bëjnë me homoseksualitetin dhe transeksualitetin për të miturit nën 18 vjeç.

Megjithatë, UEFA e mohoi këtë iniciativë duke e motivuar qartë: ajo iu referua motivimeve apo sloganeve politike.

Kjo është arsyeja pse Napoli në vend të kësaj vendosi të dërgonte një mesazh paqeje përpara se të dy skuadrat të hynin në fushë duke treguar një pankartë me fjalët “STOP WAR”. Prandaj, me një postim në Twitter, skuadra blu donte të parashikonte këtë iniciativë e cila është e një rëndësie thelbësore në këto orë ankthi, frike dhe shqetësimi për ngjarjet që tregohen nga Ukraina.

Sporti ka për detyrë të promovojë paqen dhe veçanërisht në ngjarje të tilla të thella, me shumë tifozë në stadium dhe para televizorit, është e rëndësishme të tregosh pozicionin e dikujt në mënyrë të fortë duke u përpjekur t’i japësh fund një konflikti, një mes Rusisë dhe Ukrainës, që la pa fjalë të gjithë Evropën dhe botën e sportit.