Abuzime dhe tjetërsim pronash në Himarë, lëshohen 8 urdhra-arresti, pranga ish-kreut të Qarkut në Vlorë (Emri)

Gjykata e Vlorës ka lëshuar për ekzekutim 8 urdhra-arresti në përfundim të hetimeve për tjetërsimin e pronash në bredgdeti.

Hetimet nisën pas sekuestrimit të dosjeve në zyrën e menaxhimit të pronave dhe aseteve në Këshillin e Qarkut të Vlorës dhe Agjencisë Shtetërore të Kadastrës .

Aktualisht konfirmohet arrestimi i ish-kreut të Qarkut të Vlorës, Anesti Dhimojani.

Arrestimi i tij nuk është një rast i izoluar pasi dhe në të kaluarën ka patur të tjerë zyrtarë, që kanë përfunduar në pranga.

Më herët janë arrestuar edhe ish-kreu i kadastrës së Vlorës Klodian Troci dhe 2 punonjës të qarkut të Vlorës dhe disa punonjësve të bashkisë së Himarës. Më herët Trocit iu sekuestruan 60 mijë euro dhe një sërë formularësh.