Pas deklaratës së djeshme të minsitrit të brendshëm Fatmir Xhafaj që do të ketë arrestime të shumta në lidhje metjetërsimin e pronave në bregdet, i ftuar në studion e Fax News, ka folur gazetari Ermal Vija.
Vija u shpreh se vetëm për vitin 2017 ka patur rreth 1000 denoncime në Prokurori kryesisht për tjetërsimin e pronave dhe abuzimet me to.
“Në sajë të hetimeve të Prokurorisë ka rezultuar se zyrtarët e zgjedhur dhe vendor kanë bashkëpunuar me njëri-tjetrin për të tjetërsuar pronat nga shtetërore në toka, arë, nëpërmjet falsifikimit të dokumentave.
Kryesisht këto tjetërsime kanë ndodhur në Bashkinë e Kavajës dhe Lezhës dhe në këtë të fundit u arrestua edhe kryebashkiaku, Fran Frroku, i cili po hetohet në masën e arrestit shtëpiak.
Në bregdetin e jugut kanë qenë kryesisht individët ata që kanë përfituar në mënyrë të jashtëligjshme porona, pra nuk kemi të bëjmë me skemë bashkëpunimi me zyrtarë.
Më herët Prokuroria e Vlorës ka sekuestruar 220 Ha në Karaburun si dhe 89 të tjera në Zvërnec, pasi janë përfituar nëpërmjet falsifikimit të dokumentave,”- tha gazetari Ermal Vija.
Përs ai përket zhvillimeve të fundit të Vettingut, Vija tha se pas shkarkimit të gjyqtarit Lulo në listë janë edhe 57 prokurorë dhe gjyqtarë që pruiten t’i nënshtrohen këtij proçësi.
“Ndër to spikasin: Kryeprokurorja e sapozgjedhur Arta Marku, Prokurori I Krimeve të Rënda që po heton ish-ministrin e Brendshëm Sajmir Tahirin, Gentjan Osmani, kreu I Gjyjkatës së Lartë, Xhezair Zaganjori si edhe ish-Kryeprokurori Adriatik Llalla,”- përfundoi Vija.
(F.M/Faxweb)
Discussion about this post