Ish-ministri i Drejtësisë Ylli Manjani është marrë dje në pyetje nga ana e pokurorisë së Tiranës, për shkak se dyshohet se është abuzuar me tenderin e byzylykëve gjatë kohës që ai ka drejtuar dikasterin e drejtësisë.
Kujtojmë se disa javë më parë, u vunë nën masë sigurie, 11 zyrtarë të Ministrisë së Drejtësisë, pas dyshimeve për abuzim me 5 tenderë të dhënë në periudhën 2016-2017. (LEXO KËTU)
Kallëzimi penal është bërë nga Ministria e Financave, pas auditit financiar ë kryer. Përveç Manjanit, Prokuroria pritet të marrë edhe dëshminë e Petrit Vasilit dhe Gazmend Bardhit, ndërsa është duke u verifikuar përgjegjësia e tyre në procedurat e tenderave.
Pesë procedurat e tenderimit, ku janë evidentuar shkeljet:
1. Mirëmbajtja dhe mbikqyrja e sistemit ICMIS në 7 Gjykatat Administrative
2. Përmirësimi i sistemit të mbikqyrjes elektronike në fushën penale
3. Përmirësimi, Zhvillimi dhe Mirëmbajtja e Regjistrit Noterial Shqiptar
4. Sistemi i Monitorimit me kamera për burgun e Lezhës dhe Fushë Krujës
5. Përmirësimi dhe mirëmbajtja e sistemit elektronik të çështjeve të përmbarimit
(E.K/FAXWEB.AL)
Discussion about this post