Pas dy ditësh heshtjeje dhe një breshëri kritikash për mos adresimin e skandalit më të fundit të abuzimit seksual të klerit në Shtetet e Bashkuara, Papa Françesku ka reaguar.
“Selia e Shenjtë dënon pa mëdyshje abuzimin seksual të të miturve”, tha një deklaratë e lëshuar nga Vatikani të enjten.
“Lidhur me raportin e bërë publike në Pensilvani këtë javë, ka dy fjalë që mund të shprehin ndjenjat me të cilat ballafaqohen me këto krime të tmerrshme: turpi dhe dhimbja,” shkroi zëdhënësi i Vatikanit, Greg Burke.
Raporti i jurisë së Pensilvanisë i lëshuar të martën përbëhet nga 884 faqe, pa përfshirë eksponatet, për akuzat se 301 anëtarë klerikë në të gjithë shtetin ishin akuzuar për abuzime seksuale me një total prej më shumë se 1,000 të mitur gjatë 70 viteve të fundit.
“Abuzimet e përshkruara në raport janë kriminale dhe moralisht të dënueshme,” tha Burke, duke shtuar, “Kisha duhet të mësojë mësime të forta nga e kaluara e saj dhe duhet të ketë përgjegjësi për abuzuesit dhe ata që lejojnë që abuzimi të ndodhë”.
Deklarata u përpoq të siguronte viktimat se Papa është në anën e viktimave dhe u zotua të “ç’rrënjosë këtë horror tragjik”.
Mendohet se numri i abuzimeve mund të jetë edhe më i lartë. “Mendojmë se numri real i fëmijëve, rekordet e të cilëve humbën, apo numri i atyre që nuk denoncuan për shkak të frikës, mund të jetë në disa mijëra”, shuhet në raportin e jurisë.
(B.H/Faxweb)
Discussion about this post