Pas denoncimit në emisionin “Fiks Fare” të rastit ku një person kishte abuzuar me vajzën e tij, ka ardhur dhe arrestimi i tij.
Sipas burimeve të policisë 48 vjecari me inicialet Sh.I është arrestuar nga Specialistët e Hetimit të Krimit në Komisariatin Kurbin.
Mbi të tashmë rëndon vepra penale të “Marrëdhënie seksuale ose homoseksuale me persona në gjini ose nën kujdestari”, parashikuar nga neni 106 i Kodit Penal.
18-vjeçarja denoncoi dhunën seksuale sistematike nga i ati për rreth tri vite. Ajo kishte denoncuar edhe më parë por kishte tërhequr kallëzimin e vënë nën presionin e prindërve. Deri përpara se ajo të bëntë publike historinë e saj familja e kishte detyruar të mos fliste për të.
Njoftimi i plotë:
Kurbin
Specialistët e Hetimit të Krimit në Komisariatin Kurbin bënë arrestimin e shtetasit Sh.I., 48 vjeç, banues në Kurbin.
Arrestimi i tij u bë pasi dyshohet të ketë konsumuar vepren penale të “Marrëdhënie seksuale ose homoseksuale me persona në gjini ose nën kujdestari”, parashikuar nga neni 106 i Kodit Penal.
Materialet për veprime të mëtejshme do ti kalojnë Prokurorisë pranë Gjykatës së Shkallës Parë Kurbin.
