Acar dhe grip, pezullohet sërish mësimi. Deri kur do të qëndrojnë mbyllur shkollat

Pak ditë më parë, me urdhër të Ministrisë së Shëndetësisë, u mor vendimi për mbylljen e çerdheve, kopshteve dhe shkollave me qëllim parandimin e përhapjes së epidemisë gripale shkaktuar nga temperaturat e ulëta në vend.

E teksa temperaturat vijojnë të ulen dhe gripi ka mbërthyer të mëdhenj e të vegjël, burime të Ministrisë së Arsimit kanë bërë me dije për “Vizion Plus” se pezullimi i mësimit do të vazhdojë edhe për një javë.

Vendimi pritet që të zbatohet për çerdhet, kopshtet dhe shkollat.

Një ditë më parë, ministri i Shëndetësisë, Ilir Beqaj, u shpreh se ishte duke u shqyrtuar mundësia që mbyllja e këtyre institucioneve arsimore të vazhdojë edhe për një javë. (XH.A/SHUPLAKA)