Një ditë më parë është diskutuar shumë në media lidhur me lajmin nëse është mbuluar apo jo monumenti i Skënderbeut, gjatë faljes së Namazit në festën e Kurban Bajramit.
Të shumtë ishin ata që reaguan ashpër, duke thënë se monumenti i Skënderbeut ishte mbuluar nga ekrani i madh i vendosur, duke ngritur një frymë anti islamit.
Madje kishte edhe nga ata analistë që i krahasuan myslimanët shqiptarë me talebanët e Afganistanit. Mirëpo pamjet e publikuara një ditë më parë nga “Shuplaka”, si edhe nga vetë Komuniteti Mysliman Shqiptar, tregojnë se monumenti nuk ishte fshehur. Ai thjesht ndodhej anash ledit ndriçues.
Faqja më e ndjekur “Lolita”, ka gjetur një mënyrë mjaft pikante pëër të qetësuar ata që u shqetësuan shumë nga “mbulimi” i Skënderbeut.
Lolita ka ndryshuar foton e profilit në facebook, duke vendosur përkrenaren e skënderbeut në kokë. Ndërkohë në një tjetër postim, Lolita shkruan: “Në fillim skelat, pastaj këta çarçafët e zinj para Skënderbeut, pastaj një urim në ngjyrën e Rilindjes për besimtarët muslimanë. Shumë etnomazoksitë paskemi qenë!”
Ky vit është quajtur si “viti i Skënderbeut” dhe ndoshta gjatë këtij viti vëmendja ka qenë më e madhe ndaj heroit tonë kombëtar ndaj edhe reagimet kanë qenë mjaft të shumta. Por sërish ky nuk është një shpjegim i mjaftueshëm për reagimet e ashpra, me ofendime dhe përçarëse.
Tema e “mbulimit” të monumentit të heroit kombëtar është diskutuar aq shumë, saqë ka sfumuar çështje të tjera shumë më të rëndësishme. (D.D/Shuplaka)
